 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Я глядзеў на краскі ў лузе майскім:
Як зырчаць яны ў густой траве!
I ў той вязі, што спляталі краскі,
Прачытаў я: Беларусь жыве!
I гукнуў ад радасьці: браты!
Вось ён – сымбаль нашай праваты!
I калі хто духам паў у скрусе –
Учытайся ў красак вязь на лузе!
Я глядзеў на белае каменьне,
Што з ральлі тырчала па зіме.
I з тых белых знакаў на імгненьне
Словы ўзьніклі: Беларусь жыве!
I гукнуў я з радасьці: браты!
Вось ёк – сымбаль нашай праваты!
I калі каго ўзяло сумненьне –
Глянь пільней на белае каменьне!
Я глядзеў на неба зорны купал,
На зіхоткі пыл у сіняве,
I па зорках у бліскучых купах
Прачытаў я: Беларусь жыве!
I гукнуў ад радасьці: браты!
Вось ён – сымбаль нашай праваты!
Божы знак! I калі з вас каторы
Траціць веру стаў – чытайце зоры!
1997, верасень.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
